دہشتگردی کے تمام واقعات کے پیچھے بھارتی منفی سوچ اوروسائل کارفرما ہیں۔ڈی جی آئی ایس پی آر لیفٹیننٹ جنرل احمد شریف چوہدری نے کہا ہے کہ افواج پاکستان اس پراکسی جنگ کا قلع قمع کرنے کی پوری صلاحیت رکھتی ہیں۔
یہ بات انہوں نے کونسل آف پاکستان نیوز پیپر ایڈیٹرز (سی پی این ای) کے وفد نے کاظم خان کی سربراہی میں ملاقات کی۔
سی پی این ای کے وفد سے گفتگو کرتے ہوئے انہوں نے کہا کہ بلوچستان میں منفی پروپیگنڈے کے ذریعے عوام میں مایوسی پھیلانے کی مذموم کوششیں کبھی کامیاب نہیں ہوں گی
ان کاکہناتھاکہ بلوچستان کے محب وطن اور غیور عوام ان ملک دشمن عناصر اور ان کے بیرونی آقاؤں کی ریشہ دوانیوں سے بخوبی آگاہ ہیں۔
ڈی جی آئی ایس پی آر نے کہا کہ نوجوان اس ملک کا سرمایہ ہیں اور ان کی ملک کے بارے میں مثبت سوچ پاکستان کے روشن مستقبل کی دلیل ہے۔
ان کا کہناتھاکہ یڈیا نے پاکستان کو درپیش مسائل اور چیلیجز میں ہمیشہ ایک ذمہ دارانہ اور مثبت کردار ادا کیا ہے۔
لیفٹیننٹ جنرل احمد شریف چوہدری کاکہناتھاکہ معرکہ حق کے دوران پاکستانی میڈیا نے نہ صرف ذمہ دارانہ اور اعلیٰ صحافتی اقدار کا مظاہرہ کیا بلکہ انڈین میڈیا کے منفی پروپیگنڈے کا انتہائی مؤثر جواب دیا۔
سی پی این ای کے وفد نے معرکہ حق کے دوران شان دار کارکردگی پر افواج پاکستان کو خراج تحسین پیش کیا۔
وفد نے کہا کہ یہ فقید المثال فتح پاکستانی قوم، حکومت پاکستان اور عسکری اداروں کی باہمی اور مربوط حکمت عملی کا ثمر ہے۔