قومی کرکٹ ٹیم کے کھلاڑی حیدر علی ایک سنگین قانونی بحران کا سامنا کر رہے ہیں، جہاں ان پر برطانیہ میں مبینہ زیادتی کے الزامات کے تحت فوجداری تحقیقات جاری ہیں۔
پاکستان کرکٹ بورڈ (پی سی بی) نے اس پیشرفت پر فوری ایکشن لیتے ہوئے حیدر علی کو عارضی طور پر معطل کر دیا ہے۔
ذرائع کے مطابق برطانوی پولیس نے حیدر علی کے خلاف تحقیقات کا آغاز کر دیا ہے۔ پی سی بی کو اس معاملے کی اطلاع موصول ہوتے ہی کھلاڑی کو معطل کر دیا گیا، جب کہ بورڈ کا کہنا ہے کہ حیدر علی کو قانونی معاونت فراہم کی جا رہی ہے۔
Lahore, 7 August 2025:
The Pakistan Cricket Board (PCB) has been made aware of a criminal investigation currently being conducted by the Greater Manchester Police involving cricketer Haider Ali. The investigation pertains to an incident that reportedly occurred during the…
— PCB Media (@TheRealPCBMedia) August 7, 2025
یہ واقعہ مبینہ طور پر قومی ٹیم کے حالیہ دورۂ انگلینڈ کے دوران پیش آیا۔ تاہم، واقعے کی نوعیت، مقام یا دیگر تفصیلات فی الحال منظرعام پر نہیں لائی گئیں، اور برطانوی حکام کی جانب سے تحقیقات جاری ہیں۔
پی سی بی نے محتاط مؤقف اختیار کرتے ہوئے کہا ہے کہ ہم برطانوی قانونی نظام کا مکمل احترام کرتے ہیں اور اس معاملے پر تحقیقات مکمل ہونے تک مزید تبصرہ نہیں کریں گے۔
مزید کہا گیا کہ اگر حیدر علی کے خلاف الزامات ثابت ہوتے ہیں، تو ضابطہ اخلاق کے تحت باقاعدہ کارروائی کی جائے گی۔