نائب وزیراعظم اسحاق ڈار/ فائل فوٹو
ایران سے 3 اہم تجارتی معاہدے طے پاچکے۔اسحاق ڈارنے کہاہے کہ پاکستان اور ایران کے درمیان تجارتی تعلقات کو وسعت دینے کی نئی راہیں کھل رہی ہیں۔
یہ بات انہوں نے پاکستان ایران بزنس فورم کے انعقاد کے موقع پر خطاب کرتے ہوئے کہی۔ انہوں نے کہاکہ ہمیں دوطرفہ تجارت کے دستیاب مواقع سے بھرپور استفادہ کرنا ہوگا۔
انہوں نے اس بات پرزو دیا کہ تجارت کی راہ میں حائل رکاوٹوں کودور کرنا اولین ترجیح ہے۔
اسحاق ڈارنے کہاکہ سرمایہ کاری کے نئے دروازے کھولنے کیلئے دونوں ممالک پُرعزم ہیں۔انہوں نے کہاکہ پاکستان اور ایران مذہبی اور ثقافتی رشتوں میں جڑے ہوئے دیرینہ برادر اسلامی ممالک ہیں۔
نائب وزیراعظم نے کہاکہ اب تعلقات کو اقتصادی شراکت داری میں تبدیل کرنے کا وقت آچکا۔
ان کا کہنا تھاکہ دونوں ممالک نے دوطرفہ تجارت کا حجم 10 ارب ڈالر تک بڑھانے پر اتفاق کیا ہے۔
اس موقع پر وزیر خارجہ نے یہ بھی واضح کیا ک پاکستان اورایران علاقائی فورمز پر مشترکہ مؤقف رکھتے ہیں۔
اسحاق ڈارنے بتایا کہ دونوں ممالک کے درمیان 3 اہم تجارتی معاہدے طے پا چکے ہیں۔ انہوں نے یقین دہانی کرائی کہ پاکستان میں سرمایہ کاروں کو سازگار ماحول اور تمام ممکنہ سہولیات فراہم کی جائیں گی۔
ان کا مزید کہنا تھا کہ پاکستان کے معاشی اشاریے مثبت سمت میں گامزن ہیں۔ نائب وزیراعظم نے کہاکہ حکومت سرمایہ کاری کے لیے پُرکشش مواقع پیدا کر رہی ہے۔