چینی کی درآمد پر ڈیوٹی اور ٹیکس چھوٹ کی مدت میں توسیع کا فیصلہ

ایف بی آر  نے چینی درآمد  پر ڈیوٹی اور ٹیکس چھوٹ کی مدت میں توسیع کرتے ہوئے 28 فروری 2026 تک بڑھا دی ہے۔

فیڈرل بورڈ آف ریونیو  نے ٹیکس چھوٹ سے متعلق توسیع کا نوٹیفکیشن جاری کر دیا جس کے مطابق چینی کی درآمد پر سیلز ٹیکس 18 فیصد سے کم کر کے   0.25 فیصد،  اسی طرح ودہولڈنگ ٹیکس بھی کمی سے 0.25 فیصد ہی مقرر رہے گا ٹیکس چھوٹ کا فیصلہ صرف ٹی سی پی کے ذریعے ہی درآمد کی گئی چینی پر لاگو ہوگا۔

یہ بھی پڑھیں: ایف بی آر کا 7100 ارب روپے کی ممکنہ ٹیکس چوری روکنے کیلئے بڑا فیصلہ

نوٹیفکیشن میں بتایا گیا کہ سرکاری سطح پر چینی درآمد پر ٹیکس چھوٹ کی آخری تاریخ 28 فروری 2026 مقرر کی گئی تھی جبکہ اس سے قبل آخری تاریخ 30 ستمبر 2025 مقرر تھی۔

چینی درآمد پر مجموعی ٹیکس تقریباً 47 فیصد سے کم ہو کر تقریباً 5 فیصد رہے گا، کابینہ فیصلے کے تحت سفید کرسٹل چینی کی درآمد پر کم شرح ٹیکس لاگو کیا گیا تھا۔

نوٹیفکیشن کے مطابق ٹی سی پی کے ذریعے چینی کی درآمد 5 لاکھ میٹرک ٹن کی حد تک محدود ہوگی چینی درآمد کی اجازت ٹی سی پی یا نجی شعبے کے ذریعے کوٹہ سسٹم کے تحت مشروط ہے۔