برآمدات میں کمی، پاکستان کا تجارتی خسارہ مزید بڑھ گیا

برآمدات میں کمی، پاکستان کا تجارتی خسارہ مزید بڑھ گیا

جولائی تا فروری برآمدات 7.30 فیصد کمی کے بعد 20 ارب 46 کروڑ ڈالر رہ گئیں

پاکستان کا تجارتی خسارہ مالی سال 26-2025 کے پہلے آٹھ ماہ میں 25 فیصد اضافے کے ساتھ 25 ارب 4 کروڑ ڈالر تک پہنچ گیا ہے، گزشتہ سال اسی عرصے میں تجارتی خسارہ 20 ارب ڈالر تھا۔

پاکستان بیورو آف اسٹیٹکس کے مطابق جولائی تا فروری برآمدات 7.30 فیصد کمی کے بعد 20 ارب 46 کروڑ ڈالر رہ گئیں، جبکہ درآمدات میں 8.06 فیصد اضافہ سے حجم بڑھ کر 45 ارب 50 کروڑ ڈالر ہو گیا۔

یہ بھی پڑھیں: رواں مالی سال کے 7 ماہ میں تجارتی خسارہ 22 ارب ڈالر سے تجاوز کر گیا

 پی بی ایس کا کہنا ہے کہ فروری 2026 میں سالانہ بنیاد پر تجارتی خسارہ 4.63 فیصد بڑھ گیا، جس میں برآمدات میں 8.76 فیصد کمی جبکہ درآمدات میں 1.61 فیصد کمی ریکارڈ کی گئی ماہانہ بنیاد پر فروری میں تجارتی خسارہ 8.40 فیصد بڑھا ہے، جنوری کے مقابلے میں فروری میں برآمدات 25.63 فیصد جبکہ درآمدات 9.51 فیصد کم ہوئیں۔

  ماہرین کا کہنا ہے کہ توانائی، مشینری اور خام مال کی مہنگی درآمدات خسارے میں اضافے کی بڑی وجہ ہیں مسلسل بڑھتا تجارتی خسارہ زرِمبادلہ ذخائر، روپے کی قدر اور آئندہ مالیاتی پالیسی پر دباؤ ڈال سکتا ہے۔