ژالے سرحدی کی مزاحیہ ویلنٹائن ڈے ویڈیو وائرل

ژالے سرحدی کی مزاحیہ ویلنٹائن ڈے ویڈیو وائرل

صارفین نے اداکارہ کی مزاحیہ اداکاری اور منفرد انداز کو کافی پسند کیا

شوبز انڈسٹری کی معروف اداکارہ و میزبان ژالے سرحدی کی مزاحیہ ویڈیو سوشل میڈیا پر وائرل ہوگئی ہے۔

اداکارہ ژالے سرحدی نے فوٹو اور ویڈیو شیئرنگ ایپ انسٹاگرام پر ایک ویڈیو شیئر کی، جس میں وہ ویلنٹائن ڈے کے موقع پر ڈائیلاگ پر لپ سنگ کرتی نظر آرہی ہیں۔

ویڈیو میں ژالے سرحدی کہتی ہیں کہ میرا تو 14 فروری کا پلان ایکدم فکسڈ ہے، کسی بھی جوڑے کو دیکھوں گی تو زور زور چلاؤں گی، بھائی کل والی اچھی تھی۔

ویڈیو میں لپ سنگ کرتے ہوئے اداکارہ نے مزید کہا کہ پھر وہ جانے اور اس کی بندی جانے۔

تاہم، ژالے سرحدی کی یہ ویڈیو شیئر کیے جانے کے چند گھنٹوں کے اندر ہی ہزاروں مداحوں نے دیکھی اور لائکس و تبصرے کیے۔

سوشل میڈیا صارفین نے اداکارہ کی مزاحیہ اداکاری اور منفرد انداز کو کافی پسند کیا ہے جبکہ ویڈیو تیزی سے وائرل ہورہی ہے۔