شادی شوٹ میں حد پار؟ وائرل ویڈیو نے سوشل میڈیا پر ہنگامہ برپا کردیا

شادی شوٹ میں حد پار؟ وائرل ویڈیو نے سوشل میڈیا پر ہنگامہ برپا کردیا

"یہ پاکستان ہے!” شادی شوٹ کی ویڈیو پر صارفین بھڑک اٹھے

پاکستان میں شادیوں کے رجحانات تیزی سے تبدیل ہو رہے ہیں اور اب پری ویڈنگ و پوسٹ ویڈنگ فوٹو شوٹس کا رجحان بھی عام ہوتا جا رہا ہے۔

شادی کو یادگار بنانے کے لیے جوڑے مختلف انداز اپناتے ہیں، تاہم بعض اوقات ایسے لمحات جو نجی رہنے چاہئیں، وہ سوشل میڈیا پر وائرل ہو کر بحث کا سبب بن جاتے ہیں۔

حال ہی میں ایک نوجوان جوڑے کی شادی کے دوران شوٹ کی گئی ویڈیو سوشل میڈیا پر وائرل ہوئی، جس میں جوڑا کیمرے کے لیے بوسہ لینے والا پوز دیتا نظر آیا۔

دلچسپ بات یہ ہے کہ موقع پر موجود اہلِ خانہ نے جوڑے کی پرائیویسی برقرار رکھنے کے لیے ایک چادر پکڑ کر پردہ بنایا تاکہ یہ منظر عوامی نظروں سے اوجھل رہے۔

تاہم شوٹ کے دوران بنائی گئی بیک اسٹیج (BTS) ویڈیو سوشل میڈیا تک پہنچ گئی، جس کے بعد یہ کلپ تیزی سے وائرل ہو گیا اور صارفین کی جانب سے شدید ردِعمل سامنے آنے لگا۔

وائرل ویڈیو پر سوشل میڈیا صارفین نے جوڑے کو تنقید کا نشانہ بناتے ہوئے مختلف تبصرے کیے۔ ایک صارف نے لکھا کہ اب یہ اپنی شادی کی رات بھی آن لائن دکھائیں گے۔

ایک اور صارف کا کہنا تھا کہ لوگوں سے چھپانے کے لیے چادر تو پکڑی لیکن خود ویڈیو پوسٹ کر دی جبکہ ایک شخص نے تبصرہ کیا کہ یہ دو سال بعد اس حرکت پر پچھتائیں گے۔

سوشل میڈیا پر یہ ویڈیو اب بھی زیرِ بحث ہے اور صارفین اسے پاکستانی معاشرتی اقدار اور جدید رجحانات کے درمیان بڑھتے فرق کی مثال قرار دے رہے ہیں۔