مذاکرات کے لیے تیار مگر میزائل پروگرام ہماری ریڈ لائن ہے، ایران
ایران کے مطابق اسرائیلی حملوں کے بعد ملک کے میزائل ذخائر کو مزید مضبوط کیا گیا ہے
-
ویب ڈیسک -
غیر ملکی میڈیا کے مطابق امریکہ اور ایران کے درمیان جمعہ کو عمان میں مذاکرات متوقع ہیں، جن کا مقصد ایران کے جوہری پروگرام پر بات چیت کرنا ہے۔ مذاکراتی مقام ایران کی درخواست پر ترکی سے عمان منتقل کیا گیا ہے۔
ایران نے واضح کیا ہے کہ مذاکرات صرف جوہری پروگرام تک محدود رہیں گے اور بیلسٹک میزائل پروگرام کو اس میں شامل نہیں کیا جائے گا، جسے تہران نے اپنی “ریڈ لائن” قرار دیا ہے۔
ایران کے مطابق اسرائیلی حملوں کے بعد ملک کے میزائل ذخائر کو مزید مضبوط کیا گیا ہے اور اگر سیکیورٹی کو خطرہ ہوا تو ان کا استعمال کیا جائے گا۔
واشنگٹن اس کے برعکس مذاکرات میں دیگر امور کو بھی ایجنڈے میں شامل کرنا چاہتا ہے، تاہم ایران کا موقف سخت اور غیر لچکدار ہے۔
ماہرین کے مطابق دونوں ممالک کے درمیان یہ بات چیت تناؤ کم کرنے کے لیے اہم قدم ہے، لیکن میزائل پروگرام کے بارے میں ایران کے دوٹوک مؤقف سے مذاکرات میں چیلنجز پیدا ہو سکتے ہیں۔