سلطان محمد گولڈن کے نئے ورلڈ ریکارڈز، عالمی سطح پر پاکستان کا نام روشن

adminفروری 4, 202602 مناظر

سلطان محمد گولڈن نے عالمی سطح پر پاکستان کا نام روشن کرتے ہوئے گنیز ورلڈ ریکارڈز قائم کر دیے، جس سے ملک کے لیے ایک اور تاریخی اعزاز حاصل ہوا۔

سلطان محمد گولڈن نے 13 دسمبر 2025 کو بلوچستان کے شہر کوئٹہ میں دو شاندار گنیز ورلڈ ریکارڈز قائم کر کے دنیا کو حیران کر دیا۔

انہوں نے طویل ترین ریورس کار جمپ اور ریورس میں تیز ترین ایک میل ڈرائیونگ کے چیلنجز کامیابی سے مکمل کیے۔

مزید پڑھیں: پاکستانی ایتھلیٹ صبا راشد نے ننچاکو کیٹیگری میں گنیز ورلڈ ریکارڈ قائم کر لیا

سلطان محمد نے ریورس ڈرائیونگ کے دونوں منفرد چیلنجز میں غیر معمولی مہارت کا مظاہرہ کرتے ہوئے نیا عالمی ریکارڈ قائم کیا۔

گنیز ورلڈ ریکارڈ انتظامیہ نے سلطان محمد گولڈن کی جانب سے پیش کیے گئے تمام تکنیکی شواہد باضابطہ طور پر منظور کر لیے ہیں۔

گنیز ورلڈ ریکارڈ کے سرٹیفکیٹس 20 فروری 2026 تک موصول ہونے کی توقع ہے، جن کی وصولی سلطان محمد گولڈن کی اس تاریخی کامیابی کو مزید مستحکم بنائے گی۔

سلطان محمد گولڈن کی یہ کامیابی نوجوانوں کے لیے عزم، مہارت اور قومی وقار کی ایک روشن مثال قرار دی جا رہی ہے۔