صدر طیب اردوان اور باسکٹ بال لیجنڈ شکیل او نیل کی استنبول میں یادگار ملاقات
صدر اردوان اور شکیل او نیل نے اس موقع پر باسکٹ بالز پر دستخط بھی کیے
-
ویب ڈیسک -
ترکیہ کے صدر رجب طیب اردوان نے عالمی شہرت یافتہ سابق این بی اے اسٹار شکیل او نیل سے استنبول میں ملاقات کی۔ یہ ملاقات باسکٹ بال ڈیولپمنٹ سینٹر میں ہوئی، جہاں دونوں شخصیات نے خوشگوار ماحول میں باسکٹ بال کھیلا اور یادگاری لمحات کو کیمرے میں محفوظ کیا۔
صدر اردوان اور شکیل او نیل نے اس موقع پر باسکٹ بالز پر دستخط بھی کیے، جو اس ملاقات کی یادگار علامت بن گئے۔ ملاقات کے دوران کھیلوں، نوجوانوں میں اسپورٹس کے فروغ اور باسکٹ بال کی عالمی مقبولیت پر بھی گفتگو کی گئی۔
یہ ملاقات کھیل اور قیادت کے خوبصورت امتزاج کی عکاس تھی، جسے شائقین اور سوشل میڈیا صارفین کی جانب سے بے حد سراہا جا رہا ہے۔ شکیل او نیل کی استنبول آمد اور ترک صدر کے ساتھ ان کا دوستانہ انداز عالمی سطح پر توجہ کا مرکز بن گیا ہے۔