پاکستان کی اسکاٹ لینڈ کے خلاف فتح، علی رضا اور عثمان خان نمایاں

پاکستان کی اسکاٹ لینڈ کے خلاف فتح، علی رضا اور عثمان خان نمایاں

فاسٹ بولر علی رضا نے شاندار آغاز فراہم کیا جبکہ مڈل آرڈر میں مومن قمر کی مؤثر بولنگ نے اسکاٹ لینڈ کی بیٹنگ کی کمر توڑ دی

پاکستان نے اسکاٹ لینڈ کو چھ وکٹوں سے شکست دے کر اہم کامیابی حاصل کر لی، اس فتح میں علی رضا اور عثمان خان نے نمایاں کردار ادا کیا۔

میچ میں پاکستان کے فاسٹ بولر علی رضا نے شاندار آغاز فراہم کیا جبکہ مڈل آرڈر میں مومن قمر کی مؤثر بولنگ نے اسکاٹ لینڈ کی بیٹنگ کی کمر توڑ دی۔

اسکاٹ لینڈ نے ساتویں وکٹ کے لیے 68 رنز کی شراکت کے ذریعے مزاحمت دکھائی اور ٹیم 187 رنز تک پہنچنے میں کامیاب رہی، تاہم پاکستانی بولرز کے سامنے اسکاٹش بیٹرز زیادہ دیر نہ ٹک سکے۔

مزید پڑھیں: پاکستان کرکٹ بورڈ نے ٹی ٹوئنٹی ورلڈکپ کی تیاریاں معطل کردیں

علی رضا نے یادگار ابتدائی اوور میں دو وکٹیں حاصل کرتے ہوئے مجموعی طور پر 4 وکٹیں 37 رنز کے عوض لیں، جبکہ مومن قمر نے 3 وکٹیں 46 رنز دے کر حاصل کیں۔

اسکاٹ لینڈ کے کپتان تھامس نائٹ 72 گیندوں پر 37 رنز بنا کر نمایاں رہے۔

ہدف کے تعاقب میں پاکستان کو ابتدا میں دو وکٹوں کا نقصان اٹھانا پڑا، تاہم عثمان خان نے ذمہ دارانہ بیٹنگ کرتے ہوئے 75 رنز اسکور کیے۔ ان کے ساتھ احمد حسین نے 111 رنز کی شراکت قائم کر کے میچ یکطرفہ بنا دیا۔

پاکستان نے 44ویں اوور میں چھ وکٹیں باقی رکھتے ہوئے ہدف حاصل کر لیا۔