ایشز سیریز، آسٹریلیا نے انگلینڈ کی برتری ختم کردی، 4 وکٹیں باقی
آسٹریلیا کی جانب سے ٹریوس ہیڈ نے 163 رنز کی شاندار اننگز کھیلی، جبکہ مارنوس 48 رنز بنا کر نمایاں رہے
-
ویب ڈیسک -
سڈنی: نئے سال کے پہلے ایشز ٹیسٹ کے تیسرے دن آسٹریلیا نے 6 وکٹوں کے نقصان پر 390 رنز بنا کر انگلینڈ کی برتری ختم کردی۔
انگلینڈ کی ٹیم اپنی پہلی اننگز 384 رنز پر مکمل کر کے آؤٹ ہوئی تھی، اس طرح دوسرے روز کے اختتام پر انگلینڈ کو آسٹریلیا پر 218 رنز کی برتری حاصل تھی، جو آسٹریلیا نے تیسرے روز ختم کردی ہے۔
آسٹریلیا نے دوسرے دن انگلینڈ کو 384 رنز پر آؤٹ کرنے کے بعد اپنی بیٹنگ شروع کی اور دن کے اختتام تک 2 وکٹوں کے نقصان پر 166 رنز بنائے۔
آسٹریلیا نے اپنی اننگز کا آغاز اوپنرز ٹریوس ہیڈ اور جیک ویذرالڈ کے ساتھ کیا، جنھوں نے اپنی ٹیم کو مستحکم آغاز دلایا۔
آسٹریلیا کی جانب سے ٹریوس ہیڈ نے 163 رنز کی شاندار اننگز کھیلی، جبکہ مارنوس 48 رنز بنا کر نمایاں رہے۔
اس وقت کپتان اسٹیو اسمتھ 72 اور الیکس کیرے 16 رنز بنا کر کریز پر موجود ہیں۔
آسٹریلیا کی ٹیم مجموعی طور پر 6 وکٹوں کے نقصان پر 390 رنز بنا چکی ہے، اس طرح آسٹریلیا کو اس وقت انگلینڈ پر 6 رنز کی برتری حاصل ہے۔
انگلینڈ کی جانب سے جوروٹ نے سب سے شاندار کارکردگی کا مظاہرہ کیا اور 160 رنز بنا کر اپنی 41 ویں سنچری مکمل کی، ہیری بروک نے بھی شاندار بیٹنگ کرتے ہوئے 84 رنز بنا کر جوروٹ کو بھرپور ساتھ دیا۔
جو روٹ نے اپنی 41 ویں ٹیسٹ سنچری مکمل کرتے ہوئے 160 رنز کی شاندار اننگز کھیلی، جبکہ آسٹریلیا کے بولرز میں مائیکل نیسر سب سے مؤثر رہے۔
بولنگ میں آسٹریلیا کے مائیکل نیسر نے بہترین کارکردگی کا مظاہرہ کرتے ہوئے 4 وکٹیں حاصل کیں، جبکہ مچل اسٹارک اور اسکاٹ بولینڈ نے 2، 2 وکٹیں لے کر انگلش بیٹنگ لائن کو قابو میں رکھا۔
