بونڈی بیچ حملے کے ہیرو احمد کا ایس سی جی گراؤنڈ میں فقید المثال استقبال کی ویڈیو وائرل
اسٹیڈیم میں موجود شائقینِ کرکٹ نے احمد ال احمد کے لیے کھڑے ہو کر داد دی
-
ویب ڈیسک -
ایشیز سیریز کے پانچویں ٹیسٹ کے دوران سڈنی کرکٹ گراؤنڈ میں ایک غیر معمولی منظر دیکھنے کو ملا، جب بونڈی بیچ پر جانیں بچانے والے بہادر شہری احمد ال احمد کے اعزاز میں پورا اسٹیڈیم تالیوں سے گونج اٹھا۔
اسٹیڈیم میں موجود شائقینِ کرکٹ نے احمد ال احمد کے لیے کھڑے ہو کر داد دی، جس سے میدان اور اسٹینڈز میں ایک جذباتی اور ولولہ انگیز فضا قائم ہو گئی۔
حاضرین نے اس دلیر شخص کے حوصلے اور جرات کو خراجِ تحسین پیش کیا جس نے خطرے کے لمحے میں پیچھے ہٹنے کے بجائے انسانیت کا ساتھ دیا۔
The SCG paid tribute to the victims of the Bondi Beach attack, with a guard of honour for the heroes who helped those in need in the aftermath of the shooting ❤️
(via @cricketcomau)pic.twitter.com/gFIGps5wGL
— ESPNcricinfo (@ESPNcricinfo) January 3, 2026
یاد رہے کہ 14 دسمبر کو آسٹریلیا کے شہر سڈنی کے معروف بونڈی بیچ پر مسلح افراد کی فائرنگ سے خوفناک واقعہ پیش آیا تھا، جس میں 10 افراد جان کی بازی ہار گئے جبکہ 12 زخمی ہوئے۔
اسی ہنگامے کے دوران ایک غیر مسلح شہری احمد ال احمد نے اپنی جان خطرے میں ڈال کر حملہ آور کی بندوق پکڑ لی، جس سے مزید قیمتی جانیں بچ گئیں۔
احمد ال احمد کے اس جرات مندانہ اقدام کی ویڈیو سوشل میڈیا پر تیزی سے وائرل ہوئی، جہاں صارفین نے انہیں حقیقی ہیرو قرار دیا۔
ایکس (ٹوئٹر) پر شیئر کی گئی ویڈیو میں صارفین نے لکھا کہ بونڈی بیچ پر ایک عام مگر بہادر انسان نے غیر معمولی ہمت دکھاتے ہوئے دہشت گرد کو روک لیا اور کئی خاندانوں کو اجڑنے سے بچا لیا۔