ٹیکساس: امریکہ میں ایک اور افغان شہری کی جانب سے مبینہ دہشت گردی کی کوشش کا انکشاف ہوا ہے۔
امریکی حکام نے ایک ایسے افغان شہری کو گرفتار کیا ہے، جس نے ٹک ٹاک پر بم بنانے کی ویڈیو اپ لوڈ کی تھی۔
امریکی حکام کے مطابق افغان نژاد شہری محمد داؤد الوکوزئی نے ٹک ٹاک پر ایک ویڈیو پوسٹ کی تھی جس میں اس نے بم تیار کرنے کا طریقہ دکھایا اور اپنے بیان میں فورٹ ورتھ (Fort Worth) کے علاقے کو نشانہ بنانے کا اشارہ بھی دیا تھا۔
مزید پڑھیں: دہشتگردی کا گڑھ افغانستان؛ خطے میں امن و استحکام کیلئے سنگین خطرہ
حکام کا کہنا ہے کہ ویڈیو سامنے آنے کے بعد فوری کارروائی کرتے ہوئے ملزم کو گرفتار کیا گیا، جس پر دہشت گردی کا مقدمہ درج کر لیا گیا ہے۔
Just one day before the Terrorist attack against our @NationalGuard, another Afghan national who was paroled into the United States under Biden’s Operation Allies Welcome was arrested for threatening to blow up a building in Fort Worth.
Mohammad Dawood Alokozay posted a video… pic.twitter.com/kKg6A2iCLl
— Tricia McLaughlin (@TriciaOhio) November 29, 2025
ابتدائی معلومات کے مطابق محمد داؤد الوکوزئی آپریشن ایلائز ویلکم (Operation Allies Welcome) کے تحت افغانستان سے امریکہ منتقل ہوا تھا۔
امریکی حکام کا کہنا ہے کہ ملزم سے تحقیقات جاری ہیں جبکہ سکیورٹی اداروں نے اس واقعے کو سنگین نوعیت کا خطرہ قرار دیا ہے۔