ملک میں موسم کی تبدیلی سے لاہور اور کراچی کی فضا میں آلودہ ذرات کی مقدار خطرناک حد تک بڑھ گئی ہے۔
ایئر کوالٹی انڈیکس کے مطابق لاہور اور کراچی کی فضا انتہائی مضر صحت رپورٹ ہونے کے بعد لاہور دنیا کے آلودہ شہروں میں دوسرے اور کراچی چوتھے نمبرپر آگیا۔
لاہور کی فضا میں آلودہ زرات کی مقدار 234پرٹیکیولیٹ میٹر، جبکہ کراچی کی فضا میں 182پرٹیکیولیٹ میٹر ریکارڈ کی گئی ہے۔
اسی طرح دنیا کے آلودہ شہروں کی فہرست میں دہلی پہلے اور کویت تیسرے نمبر پر آگئے۔
ایئر کوالٹی انڈیکس پر 150 تا 200 آلودگی، 200 تا 300 شدید آلودگی کو ظاہر کرتا ہے، جبکہ 300 سے زائد خطرناک ترین آلودگی ظاہر کرتا ہے۔