اسلام آباد: وفاقی حکومت اور پیپلز پارٹی کے معاملات تاحال طے نہ ہو سکے۔
ذرائع کے مطابق پیپلز پارٹی نے فیصلہ کیا ہے کہ وہ پارلیمنٹ میں حکومت کے ساتھ تعاون نہیں کرے گی، پارٹی کے تحفظات دور نہ ہونے تک پیپلز پارٹی سینیٹ اور قومی اسمبلی میں کسی بھی قانون سازی کی حمایت نہیں کرے گی۔
ذرائع کا کہنا ہے کہ پی پی پارلیمنٹرینز کو تاحال قیادت کی جانب سے واضح ہدایات جاری نہیں کی گئیں۔
پیپلز پارٹی کا مؤقف ہے کہ جب تک قیادت ہدایت نہ دے، حکومت کے ساتھ تعاون نہیں کیا جائے گا۔
واضح رہے کہ سینیٹ اور قومی اسمبلی کے اجلاس آج دوبارہ ہوں گے جبکہ قومی اسمبلی کا اجلاس 10 اکتوبر تک جاری رہے گا۔