اسرائیلی فوج نے غزہ کی طرف امداد لے کر جانے والے ’گلوبل صمود فلوٹیلا‘ پر حملہ کردیا ہے۔
غیرملکی خبر ایجنسی کے مطابق غزہ کے محصور عوام کے لیے امدادی اشیا اور ادویات لے کر جانے والے ’گلوبل صمود فلوٹیلا‘ نامی بحری قافلے کو اسرائیلی فوج نے گھیرے میں لے لیا ہے۔
فلوٹیلا کے منتظمین کا کہنا ہے کہ اسرائیلی فورسز قافلے کے ایک جہاز پر سوار ہو گئی ہیں اور جہاز پر موجود تمام افراد کو حراست میں لے لیا گیا ہے۔
اس سے قبل گلوبل صمود فلوٹیلا کے منتظمین نے اطلاع دی تھی کہ انہوں نے اپنے تمام جہازوں پر ہنگامی حالت نافذ کر دی ہے۔
BREAKING: Israeli warships are approaching the ships of the Global Sumud Flotilla. pic.twitter.com/DT2QZVty72
— Clash Report (@clashreport) October 1, 2025
قبل ازیں فلوٹیلا کی اسٹیئرنگ کمیٹی کے رکن تیاغو اویلا نے اپنے جہاز سے ایک آڈیو پیغام جاری کرتے ہوئے کہا تھا کہ ہم ایک اہم مرحلے میں داخل ہو چکے ہیں، اس وقت ہم اسرائیلی فوجی ناکہ بندی کے بالکل قریب پہنچ گئے ہیں۔
اس سے قبل ایمنسٹی انٹرنیشنل نے فلوٹیلا کو تحفظ فراہم کرنے کا مطالبہ کرتے ہوئے ایک بیان میں کہا تھا کہ ریاستوں کی مسلسل خاموشی اور بے عملی نے عالمی کارکنوں کو مجبور کر دیا ہے کہ وہ خود محاصرہ ختم کرنے کے لیے پرامن اقدامات کریں۔
BREAKING: Global Sumud Flotilla have been intercepted and kidnapped by Israel.pic.twitter.com/gBRWbO5pR2
— Clash Report (@clashreport) October 1, 2025
بیان میں کہا گیا ہے کہ ریاستوں کی یہ ذمہ داری ہے کہ وہ فلوٹیلا کو محفوظ راستہ دیں، اور اسرائیلی محاصرے و مظالم کے خاتمے کے لیے مؤثر اقدامات کریں۔
واضح رہے کہ گلوبل صمود فلوٹیلا میں پاکستان کے سابق سینیٹر مشتاق احمد اور آزاد کشمیر کے وزیر اطلاعات پیر مظہر سعید بھی موجود ہیں۔
BREAKING: The Global Sumud Flotilla’s Alma ship’s crew has just been apprehended by the Israeli forces.pic.twitter.com/wyAgTDmrqo
— Clash Report (@clashreport) October 1, 2025