بھارت کی جانب سے فالس فلیگ آپریشن اور پاکستان پر جنگ مسلط کرنے کی ناکام کوشش نہ صرف عسکری میدان میں بدترین ناکامی کا شکار ہوئی، بلکہ اب یہ ہزیمت کھیلوں کے میدان میں بھی بھارت کا پیچھا چھوڑنے کو تیار نہیں۔
رافیل طیاروں اور ایس-400 جیسے ’ناقابلِ شکست‘ سمجھے جانے والے دفاعی اثاثوں کے زمین بوس ہونے کے بعد بھارت کو اب عالمی سطح پر ایک نیا مورچہ کھولنا پڑ رہا ہے، اور سوشل میڈیا پر مزاح کے محاذ نے بھی بھارتیوں کی نیندیں حرام کر دی ہیں۔
جہاں پہلے پاک-بھارت کرکٹ میچ کے دوران حارث رؤف نے بھارتی تماشائیوں کے اشتعال انگیز نعروں کا جواب ایک رافیل گرانے والے اشارے سے دیا، وہیں اب یہ ٹرینڈ عالمی اسپورٹس کی زبان بن چکا ہے۔
Unseen and Exclusive:#HarisRauf trolling Indians on boundary by mimicking the Rafale crash #PAKvIND | #INDvPAK | #AsiaCup2025 pic.twitter.com/unyp6eMTAY
— Showbiz & News (@ShowbizAndNewz) September 21, 2025
کچھ دن قبل دنیا کے سب سے بڑے فٹبال اسٹار کرسٹیانو رونالڈو نے بھی مداحوں سے مخاطب ہوتے ہوئے ہاتھ کے اشارے سے رافیل تباہ کر ڈالا، جس کی ویڈیو نے بھارتی میڈیا اور سوشل میڈیا صارفین کو بری طرح جھنجھوڑ کر رکھ دیا۔
— Mohsin Naqvi (@MohsinnaqviC42) September 24, 2025
یہی نہیں، اب جنوبی افریقہ کے لیجنڈری کرکٹر، “مسٹر 360” اے بی ڈی ویلیئرز کی ویڈیو وائرل ہو چکی ہے جس میں وہ بھی بالکل اسی انداز میں رافیل گرنے کا اشارہ کرتے دکھائی دیتے ہیں۔
Look, South African cricketer AB de Villiers has also realized that the respect Pakistan is getting in the world is due to the downfall of Rafale.
❗️ pic.twitter.com/8g8DKRhrrC— Hash (@Hash2di) September 26, 2025
دوسری جانب پی سی بی کے چیئرمین محسن نقوی نے ایکس پر ایک بار پھر کرسٹیانو رونالڈو کی رافیل طیارہ گرانے کی ویڈیو شیئر کر کے بھارت کی سُبکی میں مزید اضافہ کر دیا ہے
رافیل اب صرف میدان جنگ میں نہیں، بلکہ عالمی اسپورٹس آئیکونز کے ہاتھوں طنز، تضحیک اور علامتی تباہی کا نشانہ بن چکا ہے۔
جہاں بھارت 4 ماہ قبل اپنے فالس فلیگ آپریشن کے ذریعے جنگی ماحول پیدا کرنا چاہتا تھا، وہیں اب دنیا کی آنکھوں میں مزاح کا تماشا بن چکا ہے۔
نہ عسکری محاذ پر کامیابی، نہ سفارتی سطح پر ہمدردی، اور اب نہ ہی کھیلوں کی دنیا میں عزت باقی رہی، بھارت کیلئے رافیل اب افتخار کا نہیں، رسوائی کا نشان بن چکا ہے۔