40
کمشنر کراچی نے شہر قائد میں چینی کی قیمتوں کا تعین کرتے ہوئے باضابطہ نوٹیفکیشن جاری کردیا ہے۔
نوٹیفکیشن کے مطابق ریٹیل سطح پر چینی کی فی کلو قیمت 177 روپے مقرر کی گئی ہے، جبکہ ہول سیل سطح پر چینی کی فی کلو قیمت 174 روپے مقرر کی گئی ہے۔
کمشنر آفس کے مطابق یہ قیمتیں فوری طور پر آج سے نافذ العمل ہوں گی، اور ان پر عمل درآمد یقینی بنانے کے لیے متعلقہ اداروں کو ہدایات جاری کر دی گئی ہیں۔
حکام نے واضح کیا ہے کہ مقررہ نرخوں سے تجاوز کرنے والے دکانداروں اور ذخیرہ اندوزوں کے خلاف سخت کارروائی کی جائے گی۔
