پنجاب اسمبلی میں سماجی ویب سائٹ ٹک ٹاک پر پابندی عائد کرنے کے قرارداد جمع کردی گئی۔
ٹک ٹاک کو پاکستان میں بین کرنے کے لیے اپوزیشن رکن فرخ جاوید مون نے استدعا کر دی ہے۔
قرارداد کے متن میں کہا گیا کہ پاکستان میں آج کل ٹک ٹاک مافیا لائیو چیٹ کے ذریعے فحاشی و عریانی کو فروغ دے رہا ہے، نوجوان نسل خاص طور پر بچوں کو بے حیائی کی طرف راغب کیا جا رہا ہے۔
یہ بھی پڑھیں: ٹک ٹاک نے ڈھائی کروڑپاکستانیوں کی ویڈیوزڈیلیٹ کردیں،وجہ کیا ہے؟
متن کے مطابق نوجوان لڑکے لڑکیاں آپس میں فحش گفتگو کرتے ہیں، نوجوان لڑکے لڑکیاں ایک دوسرے کو غلط حرکات کرنے کا کہتے ہیں، یہ عمل ہمارے اسلامی معاشرے کے لئے کبھی بھی قابل برداشت نہیں، نوجوان نسل سستی شہرت اور پیسے کی خاطر دھڑا دھڑ ٹک ٹاک کی جانب راغب ہو رہے ہیں۔
متن میں کہا گیا کہ صوبائی اسمبلی کا یہ ایوان وفاقی حکومت سے مطالبہ کرتا ہے کہ ٹک ٹاک پر لائو چیٹ پر فوری پابندی عائد کی جائے تاکہ نوجوان نسل کو تباہی سے بچایا جا سکے۔