لوئر دیر میں آپریشن، 7 بہادر جوان شہید، 10 بھارتی اسپانسرڈ خارجی ہلاک ۔ سیکیورٹی فورسز نے لوئر دیر میں انٹیلیجنس بیسڈ اپریشن کیا۔
یہ آپریشن دہشت گردوں کی موجودگی کی اطلاع پر قلعہ میدان کے علاقے میں کیاگیا۔ سیکیورٹی فورسز نے بھارتی پراکسی فتنہ الخوارج کے دہشت گردوں کے ٹھکانے کو موثر انداز میں نشانہ بنایا
آئی ایس پی آر کے مطابق سیکیورٹی فورسز اور خارجی دہشت گردوں کے درمیان شدید فائرنگ کا تبادلہ ہوا۔ سیکیورٹی فورسز کی کارروائی کے نتیجے میں 10 بھارتی اسپانسرڈ خارجی دہشتگرد مارے گئے۔
دہشت گردوں کی فائرنگ کے نتیجے میں دھرتی کے 7 بہادر سپوتوں نے جام شہادت نوش کیا،شہید ہونے والوں میں نائک عبدالجلیل کی عمر 39 برس تعلق شمالی وزیرستان سے تھا۔
نائک گل جان کی عمر 38 برس تعلق لکی مروت سے تھا۔لانس نائک عظمت اللہ کی عمر 28 سال تعلق لکی مروت سے تھا۔
سپاہی عبدالمالک کی عمر 28 سال تعلق خیبر سے تھا۔سپاہی محمد امجد کی عمر 27 سال اور تعلق ضلع مالاکنڈ سے تھا۔سپاہی محمد داؤد کی عمر 28 سال تعلق صوابی سے تھا۔
سپاہی فضل قیوم کی عمر 21 برس تعلق ڈیرہ اسماعیل خان سے تھا۔تمام شہداء نے دہشت گردوں کے خلاف بے جگری سے لڑتے ہوئے جان کا عظیم نظرانہ پیش کیا۔