فتنتہ الخوارج معصوم بچوں، شہریوں کے ساتھ تعلیم اور امن کے سب سے بڑے دشمن ہیں۔
30 اگست کو فتنتہ الخوارج نے لکی مروت کے گاؤں ونڈا زاہد گل پرائمری اسکول میں IED دھماکہ کیا، جس کے نتیجے میں اسکول کی عمارت کو جزوی نقصان پہنچا۔
فتنتہ الخوارج کا یہ سفاکانہ حملہ تعلیم دشمنی اور عوام دشمنی کی کھلی مثال ہے، انہوں نے ایک بار پھر ثابت کیا ہے کہ وہ نہ مذہب کےخیرخواہ ہیں نہ قبائلی روایات کے محافظ ہیں، اور اسکولوں پر حملے ان کی علم دشمن سوچ کو بے نقاب کرتے ہیں۔
اسلام کی پہلی تعلیم علم کا حصول ہے لیکن فتنتہ الخوارج اسی تعلیم کو مٹانے پر تلے ہوئے ہیں، ان کا مقصد شہری ڈھانچوں کو نشانہ بنا کر خوف پھیلانا اور مقامی ترقی کو روکنا ہے۔
یہ بھی پڑھیں: خیبرپختونخوا کے عوام فتنتہ الخوارج کے خلاف متحد ہوگئے
فتنتہ الخوارج کے ایجنڈے کا اصل مقصد عوام کو جہالت اور پسماندگی میں رکھنا ہے، ان کا محافظ ہونے کا دعویٰ جھوٹ پر مبنی ہے، حقیقت میں معصوم بچوں، خواتین اور شہریوں کے دشمن ہیں۔
لکی مروت کے عوام تباہی کے سوداگر دہشتگرد گروہ کو پہچان چکے ہیں، جبکہ ان بیرونی آقاؤں کے حکم پر چلنے والوں کے ہاتھوں میں نہ دین کی امانت ہے نہ قوم کی خیرخواہی ہے۔
مقامی عوام کی حمایت اور ریاست کے ساتھ تعاون فتنتہ الخوارج کا سب سے بڑا خوف ہے، جبکہ سیکیورٹی فورسز عوام کے تعاون سے ہر حال میں تعلیم کا تحفظ کریں گی اور متاثرہ اسکول اور ڈھانچے دوبارہ تعمیر ہوں گے اور فتنتہ الخوارج کی ہر سازش ناکام بنائی جائے گی۔
فتنتہ الخوارج پہلے ہی شکست خوردہ ہے، اور جھوٹے بیانات سے مقامی لوگوں کو دھوکہ دے رہے ہیں۔