پاکستان کی معروف اداکارہ میرا نے برطانوی حکومت سے اپیل کی ہے کہ انہیں ویزا جاری کیا جائے تاکہ وہ لندن میں زیرِ علاج اپنی بہن سے ملاقات کر سکیں، جو اس وقت کینسر جیسے مہلک مرض سے لڑ رہی ہیں۔
سوشل میڈیا پر جاری اپنے ایک ویڈیو پیغام میں میرا نے برطانیہ میں تعینات ہائی کمشنر جین میریٹ سے براہِ راست درخواست کی کہ ان کی ویزا درخواست پر ہمدردی کے ساتھ غور کیا جائے۔
Leading showbiz star Meera appeals to @ukinpakistan @JaneMarriottUK to issue her UK visa so she can meet her cancer- patient sister in London. Meera says she has fulfilled all requirements and wants visa on merit. Previously she was banned for 10 years due to an interview… pic.twitter.com/1YfAIeK9TZ
— Murtaza Ali Shah (@MurtazaViews) July 16, 2025
اداکارہ کا کہنا تھا کہ ان کی بہن اور خاندان اس وقت لندن میں موجود ہیں لیکن وہ گزشتہ کئی سالوں سے وہاں نہیں جا سکیں کیونکہ ان کی ویزا درخواستیں مسترد ہوتی رہی ہیں۔
میرا نے بتایا کہ اپنی حالیہ ویزا درخواست کے ساتھ انہوں نے بہن کی میڈیکل رپورٹس بھی جمع کروا دی ہیں تاکہ برطانوی حکام کو صورتحال کی سنگینی کا اندازہ ہو سکے۔
انہوں نے اپیل کرتے ہوئے مزید کہا کہ وہ ایک فنکارہ ہونے کے ساتھ ایک بہن بھی ہیں اور ایسے وقت میں اپنی بہن کے پاس ہونا انکا فرض ہے۔
