پیٹرول کی قیمت میں معمولی کمی اور ڈیزل مہنگا

پیٹرول کی قیمت میں معمولی کمی اور ڈیزل مہنگا

پیٹرول کی نئی قیمت 324 روپے 98 پیسے فی لیٹر مقرر کردی گئی ہے۔

اسلام آباد: حکومت نے پیٹرول کی قیمت میں کمی جب کہ ڈیزل کی قیمت میں اضافے کا اعلان کردیا ہے۔

نوٹیفکیشن کے مطابق پیٹرول کی قیمت میں 94 پیسے فی لیٹر کی معمولی کمی کی گئی ہے جب کہ ڈیزل 54 پیسے فی لیٹر مہنگا کردیا گیا ہے۔

کمی کے بعد پیٹرول کی نئی قیمت 324 روپے 98 پیسے فی لیٹر مقرر کردی گئی ہے جب کہ ڈیزل کی نئی قیمت 382 روپے 79 پیسے فی لیٹر ہوگئی۔