پاک فوج کے شعبہ تعلقات عامہ(آئی ایس پی آر) کی جاب سے معرکہ حق یومِ آزادی پر معروف گلوکار راحت فتح علی خان کی آواز میں نیا ملی نغمہ ’’پاکستان ہمیشہ زندہ باد ‘‘ ریلیزکر دیا گیا ہے۔
’’پاکستان ہمیشہ زندہ باد ‘‘ کے عنوان سے اس نغمے میں وطن کے جذبے، قربانیوں اور حب الوطنی کے عزم کو خراجِ تحسین پیش کیا گیا ہے۔
نغمے میں وطن سے محبت اور شہداء کی لازوال قربانیوں کو بھرپور خراجِ عقیدت پیش کیا گیا، جبکہ نغمے میں خون کے آخری قطرے تک وطن کے لیے قربانیاں دینے کا عزم کا اظہار بھی کیا گیا ہے۔
یہ بھی پڑھیں: “جان سے پیارا پاکستان”، معرکہ حق یومِ آزادی پر آئی ایس پی آر کا ملی نغمہ جاری
معروف گلوکار کے اس نغمے میں قوم کی بہادری اور شہداء کی قربانیوں کی شاندار داستان بیان کی گئی ہے، جبکہ نغمے میں پاکستان کی عظمت اور عوام کے اتحاد کی واضح جھلک کو خوبصورتی سے پیش کیا گیا ہے۔
نغمے میں بہادری، قربانی اور وطن کے وقار کا دلکش امتزاج شامل ہے، یومِ آزادی کے موقع پر آئی ایس پی آر کا جاری کردہ ملی نغمہ قربانی اور تجدیدِ عہد وفا کا پیکر ہے۔
